Guðmundur B. Sigurðsson

Ný byrjun

 Ég ætla að byrja af krafti á nýju ári að læra spænskuna og gera það af mun meiri metnaði og ástríðu en síðast. Síðasta önn mistókst herfilega og ég féll, en gerði það reyndar viljandi þegar ég sa að ég yrði að fórna einhverri grein til að ná hinum greinunum því að ég viðurkenni að ég skráði mig einfaldlega í fleiri greinar en ég réði við. En nú verður breyting á. Nýju ári fylgja ný tækifæri og með nýrri önn get ég byrjað með hreint blað og ákveðið strax að heltast ekki úr lestinni í neinu fagi. Ég þrái að útskrifast og þá sérstaklega með góðar einkunnir í tungumálunum og raungreinunum, mínum veikustu hlekkjum. Reyndar hef ég staðið mig vel í t.d. enskunni og dönskunni þegar ég hef komist á skrið þó mjög illa hafi gengið í upphafi. Ég á erfitt með að byrja á nýjum hlutum, þannig er það bara. En núna vil ég meina að ég sé búinn með þann kafla í spænskunni og kominn tími til að spíta almenninlega í lofana, fá ástríðuna fyrir þessu :)

[Þessi síða hér] er með frábærar 25 ráðleggingar um það hvernig fara skal að til að ná árangri, ég mæli með lestri og að kíkja á síðuna.

Tilvitnun úr síðunni sem ég þýddi yfir á íslensku:

„1. Þegar þú byrjar fyrst, reyndu að hlusta einfaldlega á markmálið eins mikið og mögulegt er án þess að reyna að tala það. Þetta hjálpar þér að fá eyra fyrir tungumálinu.

2. Þróaðu djúpa löngun til að læra málið. Án hennar kemstu ekki langt.

3. Nýttu þann tíma fyrir tungumálanámið sem venjulega fer til spillis. Að standa í biðröð, bíða eftir lyftu o.s.frv. eru allt tækifæri sem hægt er að nýta.

4. Hugsaðu með hliðsjón af orðtökum en ekki stökum orðum. Það er auðveldara að muna orðtak eins og „morgunmatur með brauði og smjöri” heldur en að muna sömu orðin í stöku.

5. Notaðu ímyndurnaraflið. Sjónrænar myndir geta hjálpað þér að læra orð.

6 Búðu til sögur með eins miklu af nýja orðaforðanum þínum og þú getur. Öll orð sem þú getur ekki hugsað þér á markmálinu skaltu hafa á móðurmálinu og fletta þeim upp seinna.

7. Hlustaðu á vefútvarpssendingar og hljóðklippur eins mikið og þú getur.

8. Einnig, horfðu á myndskeið. (http://youtube.com/)

9. Hagnýttu þér BBC fyrir fréttaútsendingar og kennslustundir á markmálinu þínu.

10. Hagnýttu þér flettispjöld eða litlar stílabækur til að rifja upp orðaforða og orðtök.

11. Upphugsaðu fyndin eða kjánaleg minnisstæð orðtök til að hjálpa þér að muna ný orð og hugtök.

12. Notaðu tvímála orðabók oft, ekki bara til að fletta upp tilteknum orðum, heldur flettu í gegnum hana.

13. Teiknaðu dálka á blað, orð á móðurmálinu hægra megin og markmálið vinstra megin. Þetta hjálpar auganu að grandskoða auðveldlega frá öðrum dálkinum til hins og hjálpar heilanum að drekka í sig orðið.

14. Skrifaði einfalda barnabók á markmálinu. Gerðu hana kjánalega og notaðu auðveld hugtök eins og að barn væri í raun að fara að lesa bókina.

15. Lærðu fortíðina á undan nútíðinni og geymdu framtíðina þar til síðast.

16. Æfðu framandi hljóð á markmálinu í sturtunni eða í bílnum. Dæmi: Enska „th” hljóðið. Segðu það aftur og aftur.

17. Notaðu tölvuforrit og ókeypis veforðabækur. (http://www.thefreedictionary.com/, http://dictionary.cambridge.org/, http://www.merriam-webster.com/).

18. Þegar þú lest, gerðu það vísvitandi hægar á markmálinu en þú ert vanur/vön. Seinna, með auknum framförum, þá mun hraðinn aukast upp að venjulegum hraða.

19. Lestu tvímála bækur eða bækur á markmálinu sem þú kannt nú þegar á móðurmálinu.

20. Lestu myndasögur og sjáðu teiknimyndir á markmálinu.

21. Ekki hræðast að gera mistök.

22. Lestu málfræðibækurnar þínar.

23. Hugsaðu á markmálinu.

24. Vertu með límmiða á hversdagshlutunum þar til þú hefur lært nöfnin á þeim.

25. Taktu öðru hverju hlé eða hvíldu þig í einn eða tvo daga til að leyfa huganum að koma lagi á nýja orðaforðann þinn.”